Arsenali nuk i ka dhënë fund transferimeve për këtë afat kalimtar.

Ata po përgaditen të bëjnë dy oferta për dy lojtar si Khvicha Kvaratskhelia të Napolit dhe Mohammed Kudus të Ajax-it.

“The Gunners” kanë siguruar tashmë tre nënshkrime të profilit të lartë këtë verë Declan Rice, Kai Havertz dhe Jurrien Timber, transmeton Arbresh.info.

Kjo i ka çuar shpenzimet e tyre në më shumë se 200 milionë funte, ndërsa ata kërkojnë të zhvillojnë një tjetër sfidë për titullin e Premier League këtë sezon.

Por, kuptohet se Mikel Arteta është ende në kërkim për të forcuar më tej skuadrën e tij.

Sipas gazetarit Ekren Konur, Kvaratskhelia është një emër që ata po shohin.

Reprezentuesi gjeorgjian, 22 vjeç, ishte një zbulim për Napolin sezonin e kaluar pasi ata fituan titullin e tyre të parë në Serie A në 33 vjet.

I ardhur nga Dinamo Batumi për rreth 10 milionë funte, ai kontribuoi me 14 gola dhe 17 asistime të bujshme në 43 paraqitje.

Së bashku me sulmuesin Victor Osimhen , ai tani është një nga lojtarët më të vlefshëm të klubit./Arbresh.info/